Rezept

Das Rezept von der 1998er Scheibe:

(des ischd vom Stefan Ott)

Für 10 Persona braucht mer für d’r Nudeldoig: 750g Mähl, 6 Oier, Salz ond 6 Eßleffel Wasser.
Für d’Füll braucht mer 2 Weggla, 50g Lauch, 250g Schbenat, 50g Schbäck, oi Zwiebel, 500g Haggfloisch, 500g Kalbsbrät, 4 Oier, Salz, Pfeffer, Muskat, Majoran ond oi Oigälb.

Den Doig färtigkneta, ganz denn auswella ond in ogfähr oin Med’r lange ond 20 Zendimed’r broide Schdroifa schneida.

Für d’Füll: dui em Wasser oigwoichte Weggla ausdrugga ond mit’m odempfda Lauch ond’m Schbenatdurch d’Floischwolf dräa. Den Schbäck gloischneida ond odenschda, die Zwiebel foihagga ond mit’m Haggfloisch, dem Kalbsbrät, d’Oier ond dem matschiga G’mies verkuttla ond wirza.

Oin Doigschdroifa mit’m Oigälb eibensla, ond an d’r Kant lang a 5 Zendimed’r lange Wurschd aus derra Füll drufflega. Jetzet a lange Roll dräa, a bissle flach drugga, ond ogfähr 7 Zendimed’r große Rauda schneida. Dui offene Doigkanta uffanand’r drugga.
Ond so halt da ganze Doig mit d’r Füll zo Mauldascha forma ond dui no em hoissa Wasser 15 Minudda ziea lau.

Sauguat schmegged die Mauldascha aus d’r Bria, ogschmälzt od’r en Scheiba g’schnupflt ond ogreschdet.

Leave a Reply

Your email address will not be published. Required fields are marked *